ევროპული საქართველოს წევრი, გიორგი კანდელაკი, პარლამენტის ვიცე-სპიკერის, კახა კუჭავას განცხადებას ეხმაურება, რომელმაც თქვა, რომ საქართველო მზად იქნება 2024 წელს იმისთვის, რომ ევროკავშირის წევრობაზე განაცხადი შეიტანოს.

გიორგი კანდელაკის თქმით, ქართული ოცნების ეს განცხადება გავს ბიძინა ივანიშვილს შარშანდელ განცხადებას, რომ წყალტუბოს სანატორიუმში ჩადებდა ფულს.

კანდელაკი აღნიშნავს, რომ ევროპული საქართველო ამაზე წლებია საუბრობს, მაგრამ, მთავრობა უარზეა, მომავალი კოალიციური მთავრობა კი, სადაც მთავარ როლს ევროპული საქართველო შეასრულებს, ამ განაცხადს აუცილებლად შეიტანს.

"ქართული ოცნების განცხადება, რომ 2024 წლისთვის შეიტანენ ევროკავშირში გაწევრიანების განაცხადს, მაგონებს ბიძინა ივანიშვილის შარშანდელ განცხადებას, რომ წყალტუბოს სანატორიუმებში ჩადებდა ფულს, მაგრამ, რა თქმა უნდა, არაფერი არ გაუკეთებია.

ევროკავშირში გაწევრიანების განაცხადის შეტანის აუცილებლობაზე ევროპული საქართველო წლებია საუბრობს, მაგრამ უარზეა მთავრობა. ამ განაცხადს აუცილებლად შეიტანს მომავალი, კოალიციური მთავრობა, რომელშიც წამყვან როლს სწორედ ევროპული საქართველო შეასრულებს", — განაცხადა გიროგი კანდელაკმა.