რუმინეთის ერთ-ერთი ქალაქის მერი, რომელიც კორონავირუსით გამოწვეული გართულებებით გარდაიცვალა, მოსახლეობამ კვლავ მერად აირჩია. დასახლება დევესელუს მერი იონ ალიმანი 15 სექტემბერს გარდაიცვალა.

გარდაცვლილმა მერმა ხმების 64 პროცენტი მოიპოვა, რის შედეგადაც ის მესამე ვადით აირჩიეს.

როგორც ოფიციალური პირები აცხადებენ, გარდაცვლილი მერის სახელი უკვე დაბეჭდილი იყო საარჩევნო ბიულეტენებზე და მისი გარდაცვალების შემდეგ მას ვერ ამოშლიდნენ.

BBC-ის ინფორმაციით, სოციალურ ქსელებში გავრცელდა ვიდეო, რომელშიც ჩანდა, რომ მოქალაქეების დიდი ჯგუფი ალიმანის საფლავის ქვასთან იყო შეკრიბი.

"ეს შენი გამარჯვებაა", — ამბობდნენ მოქალაქეები.

"ის ჩვენთვის ნამდვილი მერი იყო. ის დასახლების მხარეს დადგა, ყველა კანონს იცავდა, არ მგონია, რომ ასეთ მერს კიდევ ოდესმე ვიხილავთ", — განუცხადა ერთ-ერთმა ქალმა ადგილობრივ ტელევიზიას.

იონ ალიმანი ყოფილი საზღვაო ოფიცერია. იგი მემარცხენე სოციალ-დემოკრატიული პარტიის წევრი იყო. 28 სექტემბერს ალიმანი 57 წლის გახდებოდა.