ჟურნალ კოსმოპოლიტენთან ინტერვიუში გრეის ანატომიის ვარსკვლავმა ელენ პომპეომ მაყურებლისთვის ყველაზე საინტერესო თემაზე ისაუბრა.

კარევი და გრეი - ერთგული მეგობრები თუ ახალი წყვილი? ეს კითხვა ყველას უჩნდება, ვინც ABC-ის ლეგენდარულ შოუს უყურებს.

"არ ვიცი, რა მოხდება მომავალში, მაგრამ იმედს ვიტოვებ, რომ წყვილი არ ვიქნებით", - ამბობს ელენ პომპეო.

მერიდიტი და ალექსი ბოლო პერსონაჟები არიან იმ შესანიშნავი ხუთეულიდან, რომლის გამოც მაყურებელმა შოუ შეიყვარა. დანარჩენი გმირები ან დაიღუპნენ, ან მათი როლის შემსრულებელმა მსახიობებმა სერიალი დატოვეს.

"იცით, ეს შონდას სერიალია და ყველაფერი ისე იქნება, როგორც მას სურს. აშკარაა, რომ მერედიტს ჯო [ალექსის შეყვარებული] არ მოსწონს. რა არის ამის მიზეზი? იქნებ გულის სიღრმეში მას ალექსი უყვარს? ჯერჯერობით ვერაფერს გეტყვით. მე, როგორც მსახიობს, მხოლოდ სცენარისტის ჩანაფიქრის განხორციელება მევალება. ექნებათ თუ არა ალექსსა და მერიდიტს რომანი, ეს მხოლოდ შონდას ბრწყინვალე გონებამ იცის", - აღნიშნავს ელენ პომპეო.