პროკურატურამ არასრულწლოვნის მიმართ იძულების, პირადი ცხოვრების საიდუმლოს უკანონოდ მოპოვების და შენახვის საქმეზე დაკავებულს ბრალდება წარუდგინა. ამის შესახებ ინფორმაციას საქართველოს პროკურატურა ავრცელებს.

უწყების ცნობით, დაკავებულს ბრალი სისხლის სამართლის კოდექსის 150-ე მუხლის მე-2 ნაწილის "ა" ქვეპუნქტით და 157-ე პრიმა მუხლის 1-ლი ნაწილით წარედგინა, რაც ითვალისწინებს წინასწარი შეცნობით არასრულწლოვნის მიმართ იძულებას და პირადი ცხოვრების საიდუმლოს უკანონოდ მოპოვებას და შენახვას. აღნიშნული მუხლი სასჯელის სახედ და ზომად ოთხიდან შვიდ წლამდე თავისუფლების აღკვეთას ითვალისწინებს.

დღეს შინაგან საქმეთა სამინისტრომ გაავრცელა ინფორმაცია, რომ პოლიციამ დააკავა კაცი, რომელიც თავს სასულიერო პირს უწოდებდა, არასრულწლოვანს ფოტოები მოტყუებით გადააგზავნინა და დაემუქრა.