ამერიკის შეერთებული შტატების პრეზიდენტის, დონალდ ტრამპის უმცროსი ძმა, რობერტ ტრამპი გარდაიცვალა. ამაზე ინფორმაციას BBC ავრცელებს. რამ გამოიწვია რობერტ ტრამპის სიკვდილი, ჯერჯერობით უცნობია. ამერიკის პრეზიდენტი აცხადებს, რომ მას რთული პერიოდი ჰქონდა.

"მწუხარებით მინდა გაცნობოთ, რომ ჩემი შესანიშნავი ძმა, რობერტი გარდაიცვალა. ის მხოლოდ ჩემი ძმა კი არა, ჩემი საუკეთესო მეგობარი იყო. ჩვენ ის ძალიან მოგვენატრება, მაგრამ ჩვენ ისევ შევხვდებით. მე ის მუდამ მემახსოვრება. რობერტ, მიყვარხარ. მშვიდად განისვენე", — ვკითხულობთ თეთრი სახლის მიერ გავრცელებულ დონალდ ტრამპის განცხადებაში.

რობერტ ტრამპი ოჯახში უმცროსი შვილი იყო და ის ტრამპების უძრავი ქონების ფირმას ხელმძღვანელობდა.