ხელყუმბარით შეიარაღებულმა კაცმა უკრაინაში, ქალაქ პოლტავაში, პოლიციელი მძევლად აიყვანა. ამის შესახებ ინფორმაცია უკრაინის შინაგან საქმეთა მინისტრის მოადგილემ, ანტონი გერაშენკომ გაავრცელა.

"23 ივლისს, 09:05 საათზე, ქალაქ პოლტავაში, ადმინისტრაციული სასამართლოს შენობის გარეთ, სამართალდამცავები ცდილობდნენ დაეკავებინათ პირი, რომელიც მანქანის ქურდობაში იყო ეჭვმიტანილი. დაკავების დროს თავდამსხმელმა ამოიღო ხელყუმბარა და მისი აფეთქებით დაიმუქრა. მას თან პოლიციელი ჰყავს", — წერს გერაშჩენკო ფეისბუქში.

პოლიცია კაცთან მოლაპარაკებებს აწარმოებს. ადგილობრივი გამოცემა Poltava.to იუწყება, რომ თავმდასხმელი მძევალთან ერთად კიევში მანქანით მიემართება, რომელიც მისი მოთხოვნის შემდეგ პოლიციამ გადასცა.

გაიგეთ მეტი: