2017 წლის ბიუჯეტის პროექტი პარლამენტის ბიუროს სხდომაზე დღეს ოფიციალურად დარეგისტრირდება, ხოლო საკომიტეტო განხილვები სავარაუდოდ მომავალი კვირიდან დაიწყება.

ბიუჯეტის ხარჯვითი ნაწილის მთლიანი მოცულობა 12 600 000 000 (თორმეტი მილიარდ ექვსასი მილიონი) ლარია.

ბიუჯეტის პროექტის მიხედვით, იზრდება ინფრასტრუქტურის, განათლების, ჯანდაცვის, თავდაცვისა და სპორტის სამინისტროების დაფინანსება.

საერთო სასამართლოების დაფინანსება 17 000 000 ლარით იზრდება, ხოლო ეკონომიკის სამინისტროს ბიუჯეტს 275 000 000 ლარი ემატება.

2017 წლის ბიუჯეტის მიხედვით, მცირდება სასჯელაღსრულების, იუსტიციის, გარემოს დაცვის, სოფლის მეურნეობის, ფინანსთა და ენერგეტიკის სამინისტროების დაფინანსება. დაგეგმილია ადმინისტრაციული ხარჯების 100 000 000 ლარით შემცირებაც.