თბილისის მერის, კახა კალაძის თქმით, ქალაქში 180-მდე დაუმთავრებელი მშენებლობაა და მთავრობამ მათი ხელშეწყობის პროგრამა შეიმუშავა. მისი განმარტებით, ამ მიმართულებით გარკვეული მოთხოვნები გამარტივდება.

"მინდა ხაზი გავუსვა ერთ მნიშვნელოვან პროგრამას, ეს არის დაუმთავრებელი შენობების ხელშეწყობის პროგრამა. ჩვენ ერთად შევიმუშავეთ მთელი რიგი მიმართულებები, სადაც გამარტივდება მოთხოვნები და ეს იქნება განსაკუთრებული ქეისები. დაახლოებით 180 შენობა-ნაგებობაა ქალაქში დაუმთავრებელი, რომელიც სერიოზულ პრობლემას წარმოადგენს, როგორც ვიზუალურად, ასევე ადამიანები, რომლებსაც თანხები აქვს გადახდილი და უკვე წლების განმავლობაში ელოდებიან საკუთარ ბინებს და ვერანარიად ვერ ახერხებენ მიღებას. ასეთი მაგალითი იყო მაგალითად, სამშენებლო კომპანიების: სვეტის, ოლიომპიური ვარსკვლავისა და ცენტრ პოინტის დაზარებული ადამიანები. ჩვენ ყველას მაქსიმალურად დავეხმარებით და ხელს შევუწყობთ, ამ ოჯახებს, ამ ადამიანებს არ დავტოვებთ ბინებისა და საკუთარი ფართების გარეშე", — განაცხადა კალაძემ.