ქართული ოცნების ყოფილი წევრი, ეკა ბესელია ამბობს, რომ თუ სალომე ზურაბიშვილს აქვს ამის სურვილი, შეუძლია იყოს დამოუკიდებელი. ასე უპასუხა მან ჟურნალისტის კითხვას მთავარი არხის ეთერში.

ეკა ბესელიამ ასევე არ გამორიცხა, რომ ქართულ ოცნებას შეწყალებების შემდეგ მისი ეშინია.

"იმიტომ, რომ მე კარგად ვიცნობ პრეზიდენტს, ვინც ფიქრობს, რომ ის მორჩილებაშია მმართველი პარტიის, მე არასდროს არ დამიშვია ეს. [...] მას შეუძლია იყოს დამოუკიდებელი, ასე ვიტყოდი. თუ არ უნდა, რომ იყოს დამოუკიდებელი, არ იქნება. მაგრამ მას შეუძლია იყოს დამოუკიდებელი, მე მას ვიცნობ კარგად, ბევრი წელი ჩვენ ერთად ვიყავით ოპოზიციაში", — თქვა დეპუტატმა.

ამასთან, ეკა ბესელია დარწმუნებულია, რომ გიგი უგულავასა და ირაკლი ოქრუაშვილის შეწყალებაზე სალომე ზურაბიშვილი ქართულ ოცნებასთან კოორდინაციაში იყო.