ევროპული საქართველოს ერთ-ერთმა ლიდერმა, გიგი უგულავამ თქვა, რომ თუ საპატიმროდან გიორგი რურუაც არ გათავისუფლდება, შეთანხმება ბოლომდე შესრულებული არ იქნება და კენჭისყრაში მონაწილეობას არ მიიღებენ.

"იმედი მინდა გამოვთქვა, რომ გიორგი რურუა ასევე მალე დატოვებს საპატიმროს, სხვა შემთხვევაში, მოთხოვნა მოთხოვნად დარჩება და შესაბამისად, ჩვენ არ მივიღებთ მონაწილეობას კენჭისყრაში, იმიტომ, რომ პირობა ეგრეა. როცა კაცი სიტყვას დებ, ბოლომდე უნდა შეასრულო. არ არსებობს სანახევრად შესრულებული სიტყვა, ნავსი გატყდა და შეგვიძლია ვივარაუდოთ, რომ ეს ასე იქნება", — თქვა გიგი უგულავამ.

უგულავამ საპატიმრო რამდენიმე წუთის წინ დატოვა. ის პრეზიდენტმა სალომე ზურაბიშვილმა დღეს, 15 მაისს შეიწყალა.