უკრაინაში სააღდგომოდ უკრაინის მართლმადიდებელი ეკლესიის მოსკოვის საპატრიარქოს ტაძრებში კარანტინის წესების დარღვევისთვის გამოძიება დაიწყო. პოლიციის ინფორმაციით, ტერნოპოლისა და დონეცკის ოლქების ორ ტაძარში ღვთისმსახურებისას მრევლი არ იცავდა დისტანციას და მათ ნაწილს ინდივიდუალური თავდაცვის საშუალებები არ ჰქონდა.

ორივე საქმეზე სისხლის სამართლის გამოძიებაა დაწყებული, რომელიც ინფექციური დაავადებების გავრცელების შეკავებისთვის სანიტარული წესებისა და ნორმების დარღვევას გულისხმობს და ხუთიდან რვა წლამდე თავისუფლების აღკვეთას ითვალისწინებს.

უკრაინაში კორონავირუსით ინფიცირების 5 710 შემთხვევაა დაფიქსირებული. ვირუსის შედეგად 151 ადამიანი გარდაიცვალა. ათეულობით შემთხვევაა გამოვლენილი მოსკოვის საპატრიარქოს კიევ-პეჩერის ლავრაში, რის გამოც მონასტერში კარანტინი გამოცხადდა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: