15 მტკივნეული შემთხვევა, როცა მსახიობის წასვლამ სერიალი მთლიანად შეცვალა

ხანდახან, როცა საყვარელ სერიალში რომელიმე პერსონაჟს შეიყვარებ ან უბრალოდ მიეჩვევი და მის გარეშე შოუ ვერ წარმოგიდგენია, მოწმენდილ ცაზე მეხის გავარდნასავით შეიძლება გაიგო, რომ ის შოუს ტოვებს.

გადავწყვიტეთ, რამდენიმე ასეთი გამორჩეული შემთხვევა გაგვეხსენებინა და თან მეტი მრავალფეროვნებისთვის ცნობილი სერიალებიდან მსახიობების წასვლის განსაკუთრებულად გულდასაწყვეტი შემთხვევების დასახელება ერთგულ მაყურებლებსაც ვთხოვეთ ფეისბუქ ჯგუფში, რომელსაც აუცილებლად უნდა შეუერთდეთ, თუ სერიალები გიყვართ.

შედეგები კი ასეთია:

1. როცა Grey's Anatomy სანდრა ომ დატოვა

თითქოს ამ სერიალის მაყურებლებს აკლდათ გულის გამხეთქავი ამბები.

2. როცა დევიდ დუხოვნი The X-Files-დან წავიდა

მოგვიანებით კი დაბრუნდა, მაგრამ ეს მაინც არ იყოს ის X-Files, რომელიც შევიყვარეთ

3. როცა Misfits-დან რობერტ შიენი წავიდა

"აი, ნეითანი რომ აღარ იყო, ყურებაც შევწყვიტე", — სოფო.

4. როცა Suits პატრიკ ადამსმა დატოვა

არაერთ მაყურებელს ამის გამო სერიალის შემდგომი სეზონები აღარც კი უნახავს.

5. როცა ემი როსუმი Shameless-დან წავიდა

"ფიონას გარეშე წარმოუდგენლად გამიჭირდა. ვეღარ გავაგრძელე სერიალი. აი, იქნებ ლიპის და კევის ვამო მაინც ვნახო-მეთქი, მაგრამ ვერ", — ამბობს სერიალის ერთ-ერთი მოყვარული.

6. როცა Vampire Diaries-დან ნინა დობრევი წავიდა

ვამპირის დღიურები ნინას გარეშე ნამდვილად რთული წარმოსადგენია.

7. როცა Community ჩევი ჩეიზიმ და დონალდ გლოვერმა დატოვეს

"ძალიან მიყვარს შემდეგი სეზონებიც, მაგრამ ტროისა და პირსის გარეშე მაინც გულდასაწყვეტია", — ამბობს ჯგუფის წევრი ნინიკო.

8. როცა სტივ კარელი The Office-დან წავიდა

სატელევიზიო შოუების ისტორიაში ეს ნამდვილად ერთ-ერთი ყველაზე სამწუხარო გადაწყვეტილება იყო, თუმცა სერიალს შექება ეკუთვნის იმისთვის, როგორც გაუმკლავდა გამომშვიდობის სცენებს.

9. როცა House Of Cards-დან კევინ სპეისი წავიდა

მართალია, თავისი ნებით არ წასულა და ეს არც უმიზეზოდ მომხდარა, მაგრამ მაინც.

10. როცა თითქმის 15-წლიანი თამაშის შემდეგ ჯასტინ ჩემბერსმა Grey's Anatomy დატოვა

"გრეის ანატომიას მსახიობის წასვლებით რომელი დაუდგება წინ?", — ნატალია.

11. როცა ემელ ამინი Sense8-დან წავიდა

მისი სხვა მსახიობით ჩანაცვლება ნამდვილად არ იყოს საუკეთესო გადაწყვეტილება.

12. როცა The Affair-დან რუთ უილსონი წავიდა

არადა ელისონის პერსონაჟი ამ სერიალის ერთ-ერთი ყველაზე მნიშვნელოვანი ნაწილი იყო.

13. როცა Walking Dead ენდრიუ ლინკოლმა დატოვა

ზომბებით სავსე სამყარო რიკის გარეშე ნამდვილად საშინელებაა.

14. როცა Glee-ში ფინ ჰადსონის როლის შემსრულებელი გარდაიცვალა

ერთგული გულშემატკივრები საყვარელ პერსონაჟთან ერთად საყვარელ მსახიობსაც დაემშვიდობნენ.

15. როცა American Horror Story ჯესიკა ლენგის გარეშე გაგრძელდა

და როგორც ამ შოუს მაყურებლების უმეტესობა თანხმდება, მას შემდეგ სერიალმა ხიბლიც დაკარგა.

ბოლო ამბები:

გირჩევთ