ქართულმა ოცნებამ ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარის თანამდებობაზე სოფო კილაძის კანდიდატურა წარადგინა. ამის შესახებ პარტიამ, დღეს, 14 ნოემბერს განცხადება გაავრცელა.

პარტიის ცნობით, კომიტეტის თავმჯდომარის პირველი მოადგილე - გედევან ფოფხაძე, მოადგილე კი - რატი იონათამიშვილი იქნება.

ქართული ოცნება ასევე წერს, რომ სპორტისა და ახალგაზადულ საქმეთა საპარლამენტო კომიტეტის თავმჯდომარის თანამდებობაზე მიხეილ ყაველაშვილის კანდიდატურა იქნება წარდგენილი. პირველი მოადგილის თანამდებობაზე შოთა ხაბარელი, მოადგილის თანამდებობაზე კი ბიძინა გეგიძის კანდიდატურების წარდგენა იგეგმება.