"თუ ვინმე კონგრესის როლს სათანადოდ არ აფასებს, ის ცდება", — ამერიკის ხმასთან ინტერვიუში ასე გამოეხმაურა ამერიკელი კონგრესმენი, ადამ კინზინგერი ქართული ოცნების ლიდერების განცხადებებს იმაზე, რომ აშშ-ს კონგრესს დიდი ბერკეტი არ აქვს და მთავარი სახელმწიფო დეპარტამენტის შეფასებაა. ადამ კინზინგერი ამბობს, რომ კონგრესი და თეთრი სახლი ერთ აზრზეა, ეს კი მაშინ დაადასტურა, როდესაც აშშ-ს ახალ ელჩს, კელი დეგნანს შეხვდა:

"შეერთებული შტატები ძალზედ განსხვავდება, მაგალითად საქართველოსგან, და აქ ძალაუფლება ერთ შტოში არ არის კონცენტრირებული. კონგრესს აქვს ძალიან მნიშვნელოვანი როლი, ისევე როგორც პრეზიდენტს. მნიშვნელოვანია ამის აღნიშვნა, რადგან ვნახე ეს შეფასებები ქართულ ადგილობრივ მედიაში. პრეზიდენტს და კონგრესს ერთი პოზიცია აქვს. ჩვენ ერთადვმოქმედებთ. მე ახლახანს შეხვდი ჩვენს ელჩს საქართველოში და ჩვენ ყველა ერთ პოზიციაზევართ. მე ძალიან დიდი ნდობა მაქვს [ელჩის] მიმართ. ის შესანიშნავი იქნება და მასაც სურსპოლიტიკური გამოსავლის პოვნა. მე მესმის როგორ მუშაობს შიდა პოლიტიკა აქ და ასევე გარკვეულწილად, საქართველოში. თუ გეტყვიან, რომ კონგრესი და პრეზიდენტი სხვადასხვა აზრზეა, ეს მცდარი იქნება. არც ისაამართალი, რომ ჩვენ ინტერესი დავკარგეთ. ჩვენ ძალიან დაინტერესებულები ვართ".

ბოლო რამდენიმე თვეში საქართველოს მთავრობამ აშშ-დან კონგრესმენებისა და სენატორების კრიტიკული წერილები მიიღო. წერილებში იყო გამოთქმული შეშფოთება მიმდინარე მოვლენების, აქციების დაშლის, პროპორციული სისტემის ჩაგდების და ოპოზიციონერი პოლიტიკოსების დევნის გამო და აღნიშნული იყო, რომ საქართველოსა და ამერიკის პარტნიორობა შესაძლოა კითხვის ნიშნის ქვეშ დადგეს. მმართველი გუნდისა და დეპუტატების ნაწილმა კრიტიკას იმით უპასუხა, რომ უცხოელი პარტნიორების ინფორმაცია "გადაუმოწმებელია". მათი საერთო მესიჯბოქსი იყო, რომ ამერიკელ სენატორებსა და კონგრესმენებს ოპოზიციის ლიდერებმა არასწორი ინფორმაცია მიაწოდეს.

გაიგეთ მეტი სენატორების წერილზე:

გაიგეთ მეტი კონგრესმენების წერილებზე: