პარლამენტის ვიცე-სპიკერმა, გია ვოლსკიმ მთავარი არხის ჟურნალისტს კახა კალაძესთან დაკავშირებულ გამოძიებაზე დასმულ კითხვაზე საპასუხოდ უთხრა, რომ კარგი იქნებოდა გამოძიება თუ მათი საქმიანობითაც დაინტერსდებოდა. თუმცა, ვოლსკის თქმით, ეს "პოლიტიკურად გამართლებული" არ იქნება.

"თუ ვინმე რამეს იძიებს, ძალიან კარგს შვება. კარგია, რომ თქვენი საქმიანობაც გამოიძიოს, მაგრამ, საწმუხაროდ, ეს პოლიტიკურად არ იქნება გამართლებული. ასეთი რამე არ გამიგია. ყველამ უნდა გააკეთოს თავის საქმე და მე ის, რომ გამოძიება კახი კალაძის საქმეს იძიებს ეს არის თქვენი მოგონილი", — განუცხადა გია ვოლკსიმ მთავარის არხის ჟურნალისტს.

ხელისუფლების წარმომადგენლების მხრიდან მთავარი არხის ჟურნალისტების მიმართ მსგავსი დამოკიდებულება პირველი არ არის. მმართველი გუნდის წარმომადგენლები მთავარი არხის ჟურნალისტებს ბოიკოტსაც უცხადებენ იმ მიზეზით, რომ "პარტიულ მედიაა".

მთავარი არხის ინფორმაციით, სახელმწიფო უსაფრთხოების სამსახურში დაწყებულია გამოძიება, რომელიც კახა კალაძისა და ქართული ოცნების სხვა მაღალჩინოსნების კორუფციულ გარიგებებს სწავლობს. მათი ინფორმაციით, საქმე ეხება ქართული ოცნების დეპუტატის ივლიანე წულაიასთან დადებულ გარიგებებს.