პარლამენტის პირველი ვიცე-სპიკერი, გია ვოლსკი ამბობს, რომ თანამდებობიდან გადამგარი ირაკლი შოთაძის ისევ მთავარ პროკურორად დაბრუნებას მხარს უჭერს.

"მე მხარს დავუჭერ და არა იმიტომ, რომ რაიმე პრობლემა აქვს. პირიქით, მის პერიოდში საკმაოდ საინტერესო რეფორმები განხორციელდა. მაშინ გადადგომის გადაწყვეტილება იმიტომ მიიღო, რომ გავლენი თემაზე სპეკულაცია არ ყოფილიყო ოპოზიციის მხრიდან", — განაცხადა გია ვოლსკიმ.

დღეს ცნობილი გახდა, რომ ხორავას ქუჩის საქმის გამო გენერალური პროკურორობიდან გადამდგარი ირაკლი შოთაძე შესაძლოა, ისევ პროკურორი გახდეს. მისი კანდიდატურა საქართველოს ტექნიკურმა უნივერსიტეტმა მისივე თანხმობით წარადგინა.

უწყების ინფორმაციით, დღეისთვის საქართველოს გენერალური პროკურორის ვაკანტურ თანამდებობაზე საპროკურორო საბჭოსთვის 9 კანდიდატია წარდგენილი. თანამდებობა ვაკანტური მას შემდეგ გახდა, რაც მოქმედი მთავარი პროკურორი შალვა თადუმაძე უზენაესი სასამართლოს უვადო მოსამართლედ დაინიშნა.