პანდა ისედაც უნიკალური ცხოველია, რადგან ველურ ბუნებაში მათი მხოლოდ 1 864 ინდივიდია შემორჩენილი. უმრავლესობა კი ცენტრალური ჩინეთის ტერიტორიაზე ბინადრობს.

თუმცა, დღეს კიდევ უფრო განსაკუთრებულ ცხოველზე მოგიყვებით — მსოფლიოს ერთადერთ ყავისფერ პანდაზე, რომელიც უკვე 10 წლის არის.

დიახ, ცხოველი სახელად ქიზაი, ერთადერთი მსგავსი შეფერილობის პანდაა. მაშინ, როცა მეცნიერები ფიქრობენ, რომ ეს ყველაფერი გენეტიკური მუტაციის შედეგია კი ამერიკელი ფოტოგრაფი სხვა რამეს ამბობს.

კეტრინ ფენგის თქმით ყავისფერი პანდები აქამდე მხოლოდ ცინლინის მთებში შეუნიშნავთ და დიდი შანსია, რომ ეს მათი ერთ-ერთი ქვესახეობაც კი იყოს.

"ყავისფერი-თეთრი პანდა მხოლოდ ცინლინის მთებში თუ გვინახავს. ამ მთის მაცხოვრებელი პანდები კი სრულიად სხვა, ქვესახეობაა", — ამბობს კეტრინი.

აღსანიშნავია, რომ ბოლო 35 წლის განმავლობაში მსგავსი იშვიათი შეფერილობის მხოლოდ 5 პანდაა აღმოჩენილი. ბოლო ასეთი შემთხვევა კი 1985 წელს დაფიქსირდა.