ევროპული საქართველოს ლიდერი გიგი უგულავა აცხადებს, რომ პრობლემა არა ჰომოსექსუალობა, არამედ ისაა, რომ ეკლესია ღვთის სახელით ტაბურეტებით დევნიდა მოქალაქეებს. ასე გამოეხმაურა ის ჭყოდნიდის ყოფილი მიტროპოლიტის მეუფე პეტრეს განცხადებას, რომელმაც აღნიშნა, რომ პატრიარქი "პიდარასტიისა და მამათმავლობის ცოდვითაა შეპყრობილი".

"ეკლესიამ უნდა იმსჯელოს და შეწყვიტოს საზოგადოების წევრების სხვადასხვა ნიშნით დაყოფა. როგორც იკვეთება ეს სულ მცირე ფარისევლობააა და მიუღებელია თანამედროვე სამყაროს გადმოსახედიდან", — განაცხადა უგულავამ. მანვე აღნიშნა, რომ ჯობდა ამაზე მეუფე პეტრეს გადაყენებამდე ესაუბრა.

მეუფე პეტრემ სინოდის სხდომის დასრულების შემდეგ განაცხადა, რომ ილია მეორემ მღვდელმთავრობიდან გადააყენა ეკლესიაში მამათმავლობის ცოდვის მხილების გამო. მოგვიანებით კი მან პატრიარქს "მამათმავლობის ცოდვით შეპყრობილი" უწოდა.

სინოდის სხდომა პირველმა მეუფე პეტრემ დატოვა. მისივე თქმით, სინოდმა მიიღო გადაწყვეტილება უშუამდგომლოს დეკანოზ გიორგი მამალაძეს შეწყალების საკითხზე. ამ ეტაპზე სხვა განხილული საკითხები უცნობია.

მასალაში გამოყენებული მეუფე პეტრეს შეფასება გამოხატულია ჰომოფობიური სიტყვებით, თუმცა მაღალი საჯარო ინტერესიდან გამომდინარე On.ge მის სიტყვებს უცვლელად გთავაზობთ.