ნაციონალური მოძრაობის ერთ-ერთი ლიდერი, ხატია დეკანოიძე ვებსაიტების მიხეილ სააკაშვილის სურათით დაჰაკვას ხელისუფლებას უკავშირებს. On.ge-სთან საუბარში მან აღნიშნა, რომ ამ თემაზე სერიოზული კომენტარის გაკეთება არ შეუძლია:

"პირველ რიგში, ყველამ ვიცით თუ ვის სურს ადამიანების ცნობიერებაში ასეთი პროპაგანდა განახორციელოს. რასაკვირველია, ეს არის ხელისუფლება, რომელიც არაერთხელ არის შემჩნეული ტროლებში, დაჰაკვაში და ა.შ.".

რამდენიმე წუთის წინ კიბერშეტევა განხორციელდა პრეზიდენტის ადმინისტრაციის ვებგვერდზე. გარდა ამისა დაჰაკულია რამდენიმე სამთავრობო და კერძო ვებგვერდი.

საიტების გახსნისას ჩნდება ექსპრეზიდენტ მიხეილ სააკააშვილის ფოტო წარწერით: I ll be back (მე დავბრუნდები).

ამ თემაზე On.ge დაუკავშრდა შინაგან საქმეთა სამინისტროს. მათ კომენტარს მიღებისთანავე შემოგთავაზებთ.