ჯანდაცვის მსოფლიო ორგანიზაციის თქმით, არსებობს საფრთხე, რომ აზიაში ზიკას ვირუსი გავრცელებას განაგრძობს. განცხადება WHO-მ ორშაბათს გაავრცელა.

სინგაპურში ვირუსის გავრცელების ასზე მეტი შემთხვევა დაფიქსირდა და ცოტა ხნის წინ დადასტურდა ზიკას არსებობა ტაილანდშიც.

WHO-ს დირექტორმა განაცხადა, რომ ორგანიზაცია აგრძელებს ეპიდემიასთან გასამკლავებელი გზების ძიებას მსოფლიო მასშტაბით. ზიკა უკვე 70 ქვეყანაში გამოვლინდა.