საგარეო საქმეთა მინისტრი დავით ზალკალიანი ამერიკის შეერთებული შტატების მიერ საქართველოს მხარდამჭერი აქტის მიღებას გამოეხმაურა და თქვა, რომ ეს არის უპრეცენდენტო დოკუმენტი.

"ეს დოკუმენტი განსაზღვრავს ჩვენი სტრატეგიული პარტნიორობის ყველა ძირითად მიმართულებას", — ამბობს ზალკალიანი და განმარტავს, რომ ასეთი სახის საკანონმდებლო ინიციატივა ამერიკის შეერთებულ შტატებთან საქართველოს არ ჰქონია.

"დოკუმენტია მიღება ადასტურებს იმას, რომ ჩვენ გვაქვს ამერიკის შეერთებული სტატების საკანონმდებლო შტოს მხარდაჭერა... დოკუმენტში ხაზგასმულია ამერიკის შეერთებულ შტატებთან შემდგომი თანამშრომლობა სავაჭრო კუთხით. ჩვენ აუცილებლად გვჭირდება მეტი ამერიკული ინვესტიცია საქართველოში, მეტი ფინანსური დოკუმენტი… ამ დოკუმენტში არის მინიშნება და ბმა ე წ ტატუნაშვილი-ოთხიზორიას სიაზე და შესაძლო სანქციების დაწესებაზე იმ პირების მიმართ, რომლებიც შეყვანილნი არიან ამ სიაში. ის ავალდებულებს ამერიკის აღმასრულებელ ხელისუფლებას რომ დაიწყოს მუშაობა შემზღუდავ ზომებზე", — თქვა ზალკალიანმა.

ორპარტიული კანონპროექტი კიდევ ერთხელ ხაზს უსვამს საქართველოს სუვერენიტეტის, დამოუკიდებლობისა და ტერიტორიული მთლიანობისადმი აშშ-ის მტკიცე მხარდაჭერას. ასევე, საქართველოს ოკუპირებულ ტერიტორიებზე ადამიანის უფლებათა დამრღვევი პირების წინააღმდეგ სანქციების დაწესების ინიციატივით გამოდის.