ექიმის განცხადებით, ლისის ტბაზე კაცს ჭრილობები, სავარაუდოდ, დანითა და ცეცხლსასროლი იარაღით აქვს მიყენებული. მისივე თქმით, კაცს მრავალი ჭრილობა აღენიშნება:

"გულ-მკერდის არეში შემავალი ერთი ჭრილობა, ბარძაყის ქვედა მესამედში არსებული ჭრილობა, მრავლობითი ჭრილობები ქვედა კიდურებზე. ჭრილობები სავარაუდოდ ცეცხლსასროლი იარაღითა და დანითაა მიყენებული. შემოსვლის მომენტში იყო შოკი. დაფიქსირდა გულის გაჩერებაც, მაგრამ შემდეგ გული ამუშავდა", — განმარტა ექიმმა ჟურნალისტებთან.

კაცის დღეს, 6 ოქტომბერს დაჭრეს. მისი ახლობელი ჟურნალისტებთან ამბობს, რომ კაცი ლისის ტბაზე დაჭრეს და შემდეგ მანქანით შარტავაზე, სახლთან მიიყვანეს.

გამოძიება სისხლის სამართლის კოდექსის 236-ე (ცეცხლსასროლი იარაღის უკანონო შეძენა-შენახვა-ტარებას), 117-ე (ჯანმრთელობის განზრახ მძიმე დაზიანება) და 143-ე (თავისუფლების უკანონო აღკვეთა) მუხლებით დაიწყო.