სალომე ზურაბიშვილმა ნატოს გენერალური მდივნის მოადგილე როუზ გოტმიოლერი ოქროს საწმისის ორდენით დააჯილდოვა. დაჯილდოება ბათუმში ჩრდილოატლანტიკურ საბჭოსთან შეხვედრის შემდეგ გაიმართა.

"ჩემთვის დიდი პატივია გადმოგვეცა თქვენთვის ჯილდო იმ მხარდაჭერის აღსანიშნად, რომელიც გაუწიეთ ჩვენს ქვეყანას", — განაცხადა ზურაბიშვილმა. (რუსთავი 2-ის თარგმანი)

ამ ორდენით ჯილდოვდება უცხოელი ან მოქალაქეობის არმქონე პირი, რომელმაც განსაკუთრებული წვლილი შეიტანა საქართველოს სახელმწიფოს აღმშენებლობაში, მისი ეროვნული ინტერესების, უსაფრთხოების, სუვერენიტეტისა და ტერიტორიული მთლიანობის დაცვაში, დემოკრატიული და თავისუფალი საზოგადოების ჩამოყალიბებაში . გარდა ამისა, სხვა სახელმწიფოსთან და საერთაშორისო ორგანიზაციასთან ორმხრივად სასარგებლო ურთიერთობის დამყარებაში, საზღვარგარეთ საქართველოს მოქალაქეთა უფლებების დაცვაში. ასევე, ქართული კულტურის პოპულარიზაციაში, ქართული მეცნიერებისა ან ხელოვნების განვითარებაში შეტანილი წვლილისთვის.

ნატოს დელეგაციის შემადგენლობაში ალიანსის 29 წევრი ქვეყნის მუდმივი წარმომადგენლები არიან. საბჭოს სხდომას როზ გოტმიულერმა პრემიერ-მინისტრ გიორგი გახარიასთან ერთად უხელმძღვანელა. საბჭოს წევრები, ასევე, შეხვდნენ შინაგან საქმეთა მინისტრ ვახტანგ გომელაურს, თავდაცვის მინისტრ ირაკლი ღარიბაშვილს.