ერთიანი ნაციონალური მოძრაობის ოფისში გვიან ღამით პარტიის ლიდერები და რეგიონული წარმომადგენლები იმასთან დაკავშირებით მსჯელობდნენ, თუ რა ნაბიჯების გადადგმას გეგმავს პარტია 8 ოქტომბრის არჩევნების შედეგების ფონზე.

როგორც ენმ-ს ერთ-ერთმა ლიდერმა, სერგო რატიანმა განმარტა, პარტიას არაერთმა წყარომ მიაწოდა ინფორმაცია იმასთან დაკავშირებით, რომ არჩევნები ყალბდებოდა:

"როგორ მოხდა ამომრჩევლის ნების ფაქტობრივად უგულებელყოფა და ა.შ. ეს არჩევნები ლეგიტიმურად ვერ ჩაითვლება, რადგან იყო ძალადობა, უბნების დარბევა და ეს ყველაფერი ნახა საზოგადოებამ. შესაძლოა შემდგომში ისიც ნახა, როგორ გამოაცხადა ცესკომ დაწერილი პროცენტები, რომლებიც პირდაპირ შესთავაზა ივანიშვილმა".