განვითარებისა და დემოკრატიის ცენტრი ორგანიზციის სადამკვირვებლო მისიის მიერ მოწოდებულ ინფორმაციაზე დაყრდნობით ამბობს, რომ არჩევნების დღის პროცესმა მთელი ქვეყნის მასშტაბით მთლიანობაში ორგანიზებულად, პროცედურების დაცვით ჩაიარა და შესაბამისად, სადამკვირვებლო მისიის მიერ შეფასდა დადებითად:

"მშვიდად ჩაიარა არჩევნების პროცესმა მთელი ქვეყნის მასშტაბით სპეც-უბნებზე. თუმცა, დაფიქსირდა რიგი პრობლემები - პირადობის მოწმობის დროულად არმიწოდება ამომრჩევლისთვის, რის შედეგადაც სასჯელაღსრულების დაწესებულების ნაწილში ძალიან დაბალი აქტივობა დაფიქსირდა. ასევე, ადგილი ჰქონდა ამომრჩეველთა სიებთან დაკავშირებულ პრობლემებს.

საღამოს 8 საათზე ყველა საარჩევნო უბანი დროულად დაიხურა. ამომრჩეველთა საშუალო აქტივობის გამო, საარჩევნო უბნების უმეტესობამ დროულად განახორციელა ხმის დათვლის პროცედურა, კენჭისყრის შედეგების შეჯამება და საარჩევნო დოკუმენტაციის ოლქისთვის წარდგენა.

თუმცა, დაფიქსირდა მცირედი ხარვეზები ბიულეტენებისთვის პროცედურის წესების დარღვევა - 1 შემთხვევა, დოკუმენტაციის არასათანადო დალუქვის 4 შემთხვევა, შემაჯამებელი ოქმის არასრულფასოვნად შევსება -2 შემთხვევა. შემაჯამებელ ოქმში საარჩევნო ბიულეტენების რაოდენობის და კიენჭისყრაში მონაწილე ამომრჩეველთა საერთო რაოდენობას შორის შეუსაბამობის - 2 შემთხვევა".