ბათუმში რესპუბლიკელების ერთ-ერთ ლიდერს, დავით ბერძენიშვილსა და საარჩევნო უბანთან მყოფ პირებს შორის შელაპარაკება მოხდა. ბერძენიშვილი ამბობს, რომ მთელი დღის განმავლობაში ენმ-ს წევრები მანქანებში სხედან და უბნებზე მისულ ამომრჩეველს აკონტროლებენ.

ის განმარტავს, რომ აღნიშნულ პირებს ჰქონდათ სპეციალური სია, რომლითაც 51-ე უბანზე მომსვლელებს აკონტროლებდნენ. ბერძენიშვილის თქმით, ეს პირები არ ასახელებდნენ, რომელი პარტიის წარმოამდგენლები იყვნენ.

აღნიშნულ პირებსა და რეპსუბლიკელების წარმომადგენლებს შორის შელაპარაკება მოხდა, რადგან ეს პირები არ აკონრეტებდნენ არიან თუ არა რომელიმე პარტიის წარმომადგნლები.

ბერძენიშვილი მიიჩნევს, რომ აღნიშნული პირების საარჩევნო უბნებთან ამომრჩეველთა სიებით დგომის მიზანია, რომ არჩევნებზე არგამოცხადებულ მოქალაქეებს ტელეფონით დაუკავშირდნენ და ჰკითხონ მიზეზი, თუ რატომ არ მივიდნენ ისინი არჩევნებზე:

"ჰკითხავენ, რატომ არ მობრძანდებიან. დასაქმებას შესთავაზებენ, დასაქმებულს პრობლემას შეუქმნიან. ასე იქცეოდნენ სულ".

თავის მხრივ, ქალმა, რომელიც საარჩევნო უბანთან გაჩერებულ ავტომობილში იჯდა, არ არ დაასახელა მიზეზი, თუ რატომ იმყოფება ადგილზე რამდენიმე საათის განმავლობაში:

"დედაა, არ ვარ ქართული ოცნება, ვსიო".