შინაგან საქმეთა სამინისტროს ინფორმაციით, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, ბათუმში ერთი პირი დააკავეს. უწყებაში ამბობენ, რომ დაკავებულის ჩხრეკისას ბუპროფინის შემცველი 25 აბი და რამდენიმე ნატეხი ამოიღეს, რომლებზეც ექსპერტიზაა დანიშნული.

საქმეზე გამოძიება საქართველოს სისხლის სამართლის კოდექსის 260-ე მუხლის მე-6 ნაწილის ა ქვეპუნქტით მიმდინარეობს. ამ მუხლით გათვალისწინებულია თავისუფლების აღკვეთა 8-დან 20 წლამდე ან უვადოდ.