ნეტფლიქსის გადაწყვეტილებით, 13 Reasons Why-ის პირველი სეზონიდან თვითმკვლელობის სცენა, რომელიც თითქმის 3 წუთს გრძელდება, ამოიჭრება.

სერიალი ჯეი აშერის 2007 წლის ბესტსელერის მიხედვით შეიქმნა. თინეიჯერი გოგო, სახელად ჰანა ბეიკერი თავს იკლავს და 13 ხმოვან ჩანაწერს ტოვებს. სერიალში მთავარ როლს კეტრინ ლენგფორდი ასრულებს.

სერიალში გრაფიკულადაა ნაჩვენები სუიციდის სცენა, ეს ერთ-ერთი მიზეზია, რის გამოც 13 მიზეზი რატომ ფსიქიკური ჯანმრთელობის ექსპერტებმა გააკრიტიკეს. მათი თქმით, ის რისკს ზრდიდა იმ მოზარდებში, რომლებიც სხვადასხვა ფსიქოლოგიურ პრობლემებს ებრძოდნენ.

"მესამე სეზონი პლატფორმაზე ზაფხულის დასასრულს გამოჩნდება, თუმცა უყურადღებოდ არ ვტოვებთ შოუს გარშემო არსებულ დისკუსიებს. სამედიცინო ექსპერტების რჩევით, სერიალის შემქმნელი და პროდიუსერები იმ სცენის ამოჭრაზე შეთანხმდნენ, რომელშიც ჰანას თვითმკვლელობას ვხედავთ", — ამბობს ნეტფლიქსი განცხადებაში.

თვითმკვლელობის პრევენციის ამერიკულმა ორგანიზაციამ გადაწყვეტილებას "პოზიტიური ცვლილება" უწოდა.

10-დან 24 წლამდე ამერიკელ მოზარდებში თვითმკვლელობა მესამე ყველაზე გავრცელებული სიკვდილის მიზეზია.

ამავე თემაზე: