ჩვენ უკვე ვიცნობთ კომპოზიტორ AIVA-ს, ხელოვნურ ინტელექტს, რომელმაც სულ ახლახანს ანტონინ დვორჟაკის მიერ დაწყებული ნამუშევარი დაასრულა და თავის ნაშრომს პრაღის ფილარმონიაში წარადგენს.

დროა გავიცნოთ ჰუმანოიდი რობოტი Ai-Da, რომელიც ვიზუალური ხელოვნების დარგში მოღვაწეობს. ბრიტანეთში 12 ივისიდან 6 ივლისამდე მისი ნახატების და ქანდაკებების გამოფენა იმართება.

ფოტო: Nicky Johnston

Ai-Da-ს სახელი მოწინავე მეცნიერის, ადა ლოვალეზის საპატივცემულოდ ჰქვია.

ხელოვნური ინტელექტის მქონე რობოტს, რომელიც გალერეის დირექტორის, აიდენ მელერის გამოგონებაა, შეუძლია ცხოვრებისეული ნივთების დახატვა, რისთვისაც იყენებს მასში ჩამონტაჟებულ კამერას, მექანიკურ ხელს და ალგორითმს, რომელიც მისთვის ოქსფორდის უნივერსიტეტის მეცნიერებმა შექმნეს.

ნივთის დასახატად, პირველ რიგში, კამერა ანალიზს უკეთებს მის წინ მდებარე საგანს და ქმნის მის ვირტუალურ ნახაზს ალგორითმისთვის, რომელიც წარმოშობს რეალურ სივრცით კოორდინატებს რობოტის ხელისთვის.

ფოტო: Nicky Johnston

ფოტო: Nicky Johnston

სახის ამომცნობი ტექნოლოგიის მეშვეობით, Ai-Da-ს ადამიანების პორტრეტების ხატვაც შეუძლია, რისთვისაც ის, პირველ რიგში, მათ ნაკვეთებს ასკანერებს თვალებში ჩამონტაჟებული კამერების მეშვეობით, რობოტული ხელის დახმარებით კი ეს ფურცელზე გადააქვს.

ფერწერული ტილოების შესაქმნელად Ai-Da-ს ნახატები გადააქვთ AI ალგორითმში და ის თავისი შემოქმედების აბსტრაქტულ ვერსიებს ქმნის.

ფუტკრის ქანდაკების შესაქმნელად Ai-Da-მ გამოიყენა მის მიერ დასკანერებული ნამდვილი ფუტკრის ნახაზები, რაც შემდეგ 3D პრინტერის მეშვეობით "გამოიძერწა".

ფუტკრის დასკანერების შედეგად დეფორმირებული ფორმები მოგვიანებით შვედმა მეცნიერებმა დაარენდერეს, 3D პრინტერის მეშვეობით კი შექმნეს ცვილის ფიგურა, რომლითაც ბრინჯაოს ფიგურა ჩამოასხეს.

ფოტო: Nicky Johnston

გამოფენა, სახელად Unsecured Futures (დაუცველი მომავალი) Ai-Da-ს პერფორმანსსაც მოიცავს. ის გამოფენაზე ფანქრით სკეჩების ხატვას, შემდეგ კი საღებავებს და თიხასაც გამოიყენებს.

"გამოფენა კითხვის ნიშნის ქვეშ აყენებს ჩვენს ურთიერთობას ტექნოლოგიებთან და ბუნებრივ სამყაროსთან - წარმოდგენილი იქნება თუ როგორ შეიძლება ხელოვნური ინტელექტი და თანამედროვე ტექნოლოგიები ერთდროულად იყოს პროგრესული, პრობლემური და გამანადგურებელი ძალა ჩვენს საზოგადოებაში. როგორც ჰუმანოიდი რობოტი, ის თავადაა ხელოვნების ნიმუში, რომელიც წარმოშობს კითხვებს ბიოტექნოლოგიებთან და ტრანს-ჰუმანიზმთან დაკავშირებით", — აცხადებენ გალერეაში.

ამავე თემაზე: