შინაგან საქმეთა მინისტრი, გიორგი მღებრიშვილი ამბობს, რომ თუ მიხეილ სააკაშვილი საქართველოში დაბრუნდება, მის წინააღმდეგ კანონით გათვალისწინებული ღონისძიებები გატარდება:

"რასაც აქამდე ვაკეთებდით, როგორც ვრეაგირებდით, ისე მოხდება რეაგირება კანონის ფარგლებში. რასაც კანონი გვავალებს, იმას გავაკეთებთ".

საკითხს ეხმაურება ასევე თავდაცვის მინისტრი, ლევან იზორიაც:

"არამგონია, პიროვნებას, რომელიც თქვენ დაასახელეთ ყოველივე ამის შემდეგ ჰქონდეს რესურსი იმისთვის, რომ საზოგადოებას ის წარსული მოენატროს, სადაც თქვენ შეზღუდულები იყავით. დაბრუნების შემთხვევაში თქვენ იცით, რომ სამართლებრივი პროცედურებია დაწყებული, შესაბამისად რეაგირება ისეთი იქნება, როგორც მოითხოვს კანონი".