"მადლობა, რომ მძევლებად არ ვართ აყვანილი და საჭიროების შემთხვევაში, გარეთ გასვლის უფლებასაც გვაძლევენ", — ასე უპასუხა უმრავლესობის წევრმა, გედევან ფოფხაძემ ქართული ოცნების გენერალურ მდივანს, კახა კალაძეს, რომელმაც თქვა, რომ ვისაც პარტიის დატოვება უნდა, კარი ღიაა.

"მე მინდა ყველას შევახსენო, რომ ამ უმრავლესობაში ადამიანებს არამარტო მოვალეობები, უფლებებიც გვაქვს და ჩვენ ამ უმრავლესობაში თუ გავწევრიანდით თავის დროზე, ეს იყო გარკვეული პოლიტიკური გადაწყვეტილება. პარტიაში ჩვენი ბიოგრაფიით, ჩვენი ბრძოლით შევედით", — თქვა ფოფხაძემ ტვ პირველის ეთერში.