BBC-ის ცნობით, ტერორისტულ დაჯგუფების მიერ კონტროლირებული მედია Amaq ადასტურებს, რომ ე.წ. ისლამური სახელმწიფოს ერთ-ერთი ლიდერი სირიაში მოკლეს.

მათივე ცნობით, აბუ მუჰამედ ალ-ადნანი რომელიც დაჯგუფების სპიკერიც იყო, ალეპოს პროვინციაში სამხედრო მოქმედებების დროს მოკლეს.

პენტაგონის სპიკერი თავის განცხადებაში წერს, რომ ადნანი ტერორისტული დაჯგუფების საერთაშორისო ტერაქტების მთავარი დამგეგმავი იყო და სწორედ ის უწევდა კოორდინაციას დაჯგუფების მებრძოლებს, რომ სამოქალაქო პირებზე თავდასხმები განეხორციელებინათ. ასევე, იგი აქტიურად იწვევდა ახალ წევრებს საბრძოლველად.