საქართველოს მართლმადიდებელი ეკლესიის საპატრიარქოში სინდოდის სხდომა იმართება. 2018 წლის ბოლო სხდომაზე, სავარაუდოდ, უკრაინის ავტოკეფალიის ამბები განიხილავენ. საპატრიარქოს პოზიცია ამ დრომდე უცნობია.

სხდომის დაწყებამდე მეუფეები ჟურნალისტებთან ამბობდნენ, რომ ზუსტი საკითხები მათთვის უცნობი იყო, თუმცა

დაახლოებით ორი კვირის წინ კიევში ეკლესიის გაერთიანებულ კრებაზე უკრაინის მართლმადიდებლური ავტოკეფალური ეკლესია შეიქმნა. ეკლესიის წინამძღოლად 39 წლის მიტროპოლიტი ეპიფანი აირჩიეს. ის კიევის საპატრიარქოში მსახურობდა. გაერთიანებულ კრებას სასულიერო პირებთან ერთად ესწრებოდა უკრაინის პრეზიდენტი, პეტრო პოროშენკოც.

უკრაინა და საქართველო

ავტოკეფალიის საკითხში კიევის პატრიარქი საქართველოს მხარდაჭერას ელოდება.

"საქართველოს ეკლესიას უნდა ახსოვდეს თავისი ისტორია", — განაცხადა კიევის პატრიარქმა, ფილარეტმა. როგორც ცნობილია, კიევის პატრიარქს საქართველოს კათოლიკოს-პატრიარქთან საუბარი არ ჰქონია.

საქართველოს საპატრიარქომ პოზიციის დაფიქსირებას თავის შეკავება არჩია. ამის მიზეზად კი ის დაასახელა, რომ კანონიკური სამართლის ნორმებზე დაფუძნებული თითოეული მხარის ოფიციალურ და საბოლოო პოზიციას ელოდება.

პატრიარქის მდივნის, მიქაელ ბოტკოველის განცხადებით, სინოდის სხდომა გადაწყვეტს რა პოზიცია ექნება საქართველოს უკრაინის ეკლესიის ავტოკეფალიასთან მიმართებაში. თუმცა მისივე თქმით, ოკუპაციის პირობებში კონსტანტინოპოლის ეკლესიის უპირობო მხარდაჭერა არასწორია.