შეწყალების კომისიის სხდომა, რომელიც დღეს, 11 დეკემბერს უნდა ჩატარებულიყო, გადაიდო. შეწყალების საკითხთა კომისიის თავმჯდომარემ, ზვიად ქორიძემ, რუსთავი 2-თან საუბრისას თქვა, რომ მისთვის უცნობია, შედგება თუ არა პრეზიდენტის შეწყალების აქტი:

"ჩვენ 16 დეკემბრამდე ვართ უფლებამოსილი, ვიმუშაოთ, იმის გათვალისწინებით, პრეზიდენტი როდის და როგორ გადაწყვეტს შეწყალების აქტის გამოცემას. ჩვენ მზად ვართ, რომ მივცეთ რეკომენდაციები. ეს არის ჩვეულებრივი სამუშაო პროცესი. პრეზიდენტი თუ გადაწყვეტს, რომ აღარ გამოსცეს, მაშინ ბუნებრივია ჩვენ რეკომენდაციებს აღარ მივცემთ".

პრეზიდენტის ადმინისტრაციაში On.ge-ს უთხრეს, რომ ამ საკითხზე კომენტარს არ აკეთებენ, თუმცა ფაქტს არც უარყოფენ და არც ადასტურებენ.

თეთრი ხმაურის მოძრაობის აქტივისტმა დავით სუბელიანმა ფეისბუქის საკუთარ გვერდზე გაავრცელა ინფორმაცია, რომ პატიმართა ოჯახის წევრების ცნობით, შეწყალების კომისიის სხდომა მარგველაშვილის პრეზიდენტობისას, შესძლოა, საერთიოდ აღარ ჩატარდეს.