ერთიანმა ნაციონალურმა მოძრაობამ წალენჯიხა-ჩხოროწყუს ოლქში მაჟორიტარ დეპუტატობის კანდიდატად ლევან ქარდავა წარადგინა. შეკრებილ მოსახლეობას სიტყვით ენმ-ს ლიდერებმა, დავით ბაქრაძემ და სანდრა რულოვსმა მიმართეს.

ლევან ქარდავამ კი განმარტა, რომ ის არა რომელიმე პარტიის ან მთვარობის წარმომადგენელი იქნება, არამედ ის იქნება წალენჯიხის წარმომადგენელი პარტიაშიც და მთავრობაშიც:

"მე არ მოვდიოდი, როგორც პარტიის წარმომადგენელი. ჩემი პირობა კარგად მახსოვს და ყველა შეხვედრაზე ვიმეორებდი ამ პირობას".

როგორც დავით ბაქრაძემ აღნიშნა,წალენჯიხა-ჩხოროწყუს ოლქში ენმ აუცილებლად გაიმარჯვებს:

"მე დარწმუნებული ვარ, ეს იქნება ის კუთხე, რომელშიც ძალიან დამაჯერებლად გავიმარჯვებთ არჩევნებში, ეს იქნება ის კუთხე, რომელიც მთელ დანარჩენ საქართველოსთან ერთად იზეიმებს გამარჯვებას და მთელ დანარჩენ საქართველოსთან ერთად ახალი ენერგიით, გამოცდილებით, ცოდნით წინ წავა, როგორც საქართველოს ყველა კუთხე".