შინაგან საქმეთა სამინისტროს ცნობით, ხულოში ერთი პირი ეკლესიების გაქურდვის ბრალდებით დააკავეს. კიდევ ერთ პირს, მეჩეთის გაქურდვის საქმეზე ბრალი წარუდგინეს.

გამოძიების ვერსიით,ბრალდებულმა ხულოში მდებარე ყოვლადწმიდა ღვთისმშობლის
ხარების და წმიდა ანდრია პირველწოდებულის ეკლესიებში ფანჯრიდან შეაღწია და შესაწირავის ყუთებში არსებული თანხა მოიპარა.

რაც შეეხება მეორე ბრალდებულს, შსს-ს ინფორმაციით, მან სოფელ ბეღლეთში არსებული მეჩეთიდან თანხა და ნოუთბუქი მოიპარა.

გამოძიება ქურდობის ფაქტებზე, საქართველოს სსკ-ს 177-ე მუხლის მე-2 ნაწილის „ბ“ ქვეპუნქტით მიმდინარეობს. დანაშაული 3-დან 5 წლამდე ვადით თავისუფლების აღკვეთას ითვალისწინებს.