ქართველმა ჩოგბურთელმა ნიკოლოზ ბასილაშვილმა თავისი პირველი ATP ტურნირი მოიგო.

ჰამბურგში გამართულ გერმანიის ღია პირველობის ფინალში მან ლეონარდო მაიერი დაძაბულ ბრძოლაში დაამარცხა.

მიუხედავად იმისა, რომ საწყის სეტში ბასილაშვილი პირველ მოწოდებას წარმატებით მხოლოდ 35% შემთხვევებში აწვდიდა, ეს სეტი მაინც სწორედ მან მოიგო.

მეორე სეტში ცალსახა უპირატესობა მაიერმა მოიპოვა და ყოველგვარი კითხვის ნიშნის გარეშე, 6-0 გაიმარჯვა, თუმცა გადამწყვეტ სეტში ქართველმა ჩოგბურთელმა ბრეიკის აღება მოახერხა და 7-5 მოიგო.

ბოლო ATP ტურნირი ქართველმა ჩოგბურთელმა 1974 წელს მოიგო, ანუ, დამოუკიდებელი საქართველოს ისტორიაში ეს პირველი შემთხვევაა, როცა ქართველი (კაცი) ჩოგბურთელი ასეთი რანგის ტურნირს იგებს.

გარდა ამისა, ამ ტურნირზე გამარჯვებით, ნიკოლოზ ბასილაშვილმა 500 სარეიტინგო ქულა მოიპოვა და 35-ე ჩოგანი გახდა.