ბელგიის ნაკრების კაპიტანმა ედენ აზარმა, რომელიც 10 ივლისს მსოფლიო ჩემპიონატის ნახევარფინალში საფრანგეთის ნაკრებს ხვდება, აღნიშნა, რომ ბავშვობაში საფრანგეთს გულშემატკივრობდა.

27 წლის ნახევარმცველი ბელგიის იმ ნაწილში გაიზარდა, სადაც ფრანგულ ენაზე საუბრობენ, 14 წლის ასაკში კი უკვე ოჯახთან ერთად საცხოვრებლად ლილში გადავიდა.

ფოტოზე, რომელიც ინტერნეტში ძალიან პოპულარული გახდა, პატარა ედენ აზარი საფრანგეთის ნაკრების მაისურით ჩანს .

ფოტო: thesun / Twitter

"მე და ჩემი ძმები საფრანგეთის ნაკრებს ბელგიაზე მეტად ვგულშემატკივრობდით. ბელგიის ნაკრებს არ ვაკნინებ, მათ ძალიან კარგი ფეხბურთელები ჰყავდათ, თუმცა იმ პერიოდში (1998 წელი) საფრანგეთის ნაკრები საუკეთესო იყო", - აღნიშნა აზარმა.

ბელგიისა და საფრანგეთის ნახევარფინალური შეხვედრა 10 ივლისს, 22:00-ზე გაიმართება.