როგორც უკვე იცით, წარმატებული მეორე სეზონის შემდეგ, Stranger Things-ის გადამღებმა ჯგუფმა მუშაობა უკვე დაიწყო. სიუჟეტის 1985 წლის ზაფხულში განვითარდება, წინა სეზონის ისტორიიდან 1 წლის შემდეგ.

სერიალის ვარსკვლავმა, ნოა შნაპმა კი სრულიად შემთხვევით, ფანებთან შეხვედრის დროს მესამე სეზონში ერთ-ერთი პერსონაჟის სიკვდილი დააანონსა.

შეხვედრის დროს, ფანებმა ახალი სეზონის რამდენიმე სცენა ნახეს და ნოას ჰკითხა თუ რა ხდებოდა მესამე სეზონის პირველ ეპიზოდში, სადაც მას ძაღლი ჰყავს, რომელიც გაუჩინარდება, შემდეგ კი დასტინის კუც გაქრება.

"ყველას აინტერესებს თუ სად ქრებიან ეს შინაური ცხოველები", - კითხულობს ფანი.

სრულიად შემთხვევით კი ნოამ თქვა, რომ ისინი კვდებიან.

რაც შეეხება მესამე სეზონს, ძველ პერსონაჟებთან ერთად რამდენიმე ახალსაც ვიხილავთ. შოუს დაემატა მსახიობი ფრანჩესკა რიალე, რომელიც ჰეიზელრის, ჰოუკინსის საცურაო აუზის მაშველის როლს მოირგებს და თუ შოუს შემქმნელებს დავუჯერებთ, ის მესამე სეზონის ყველაზე მისტიკური ამბის ეპიცენტრში იქნება.

ფრანჩესკა რიალეს გარდა, შოუს მესამე სეზონს ორი მსახიობი - ქერი ელვისი და ჯეიკ ბიუსიც დაემატა.

მეორე სეზონში ვიხილავთ კიდევ ერთ ახალ პერსონაჟს, რობინს, რომლის როლსაც უმა თურმანისა და ითან ჰოუკის შვილი, მაია ჰოუკი შეასრულებს.

როგორც შოუს პროდიუსერი შონ ლევი ამბობს, მესამე სეზონი შესაძლოა მეორეს მსგავსად, 9 ეპიზოდით დაბრუნდეს.