ყველას ერთხელ მაინც უოცნებია ჯადოქრობასა და ჯადოსნურ სამყაროში ცხოვრებაზე, თუმცა ალბათ საინტერესოა, როგორ გამოვიყენებდით მაგიას ჩვენსავე ცხოვრებასა და ყოველდღიურობაში.

სწორედ ამიტომ, მოიმარჯვეთ წარმოსახვითი ან ამაზონიდან გამოწერილი ყალბი ჯადოსნური ჯოხები და ნახეთ აკციო, ლუმოს და სხვა ნაცნობი შელოცვები, რომლებსაც ალბათ ჩვენებურად გამოვიყენებდით და ცხოვრებაც გაცილებით კომფორტული გახდებოდა.

1. ლუმოს

ფოტო: giphy

ახლა კაი დროსია, მაგრამ შელოცვა, რომელიც ჯოხის წვერიდან სინათლეს ასხივებს 90-იან წლებში ნამდვილად გამოგვადგებოდა.

წარმოიდგინეთ, საკუთარ ჯოხს რომ კარგავ და დროებით მეზობლის ლუმოსზე "ლევად" ზიხარ.

2. აკციო

ფოტო: gip

მართალია, ჯადოსნურ სამყაროში ეს შელოცვა დაკარგული ნივთების მოსაძებნად გამოიყენება, თუმცა ჩვენ, შეყვარებულის მოსაძებნადაც გამოგვადგებოდა.

3. ალოჰომორა

ფოტო: giphy

როდესაც სამსახურში გვაგვიანდება და ამ დროს ჩვენი რომელიმე ოჯახის წევრი ტუალეტშია გამოკეტილი და ცოცხალი თავით არ გამოდის, კარების შესამტვრევად ეს შელოცვა ნამდვილი მისწრება იქნებოდა.

4. რეპარო

ფოტო: giph

დიდი იმედი გვაქვს, რომ შელოცვა, რომელიც დაზიანებულ ნივთებს აღადგენს, გატეხილ გულებსაც გაამთელებდა.

5. ექსპექტო პატრონუმ

ფოტო: giphy

როცა ეზოს ბავშვები გჩაგრავენ და შენი პატრონუსი მამაშენია.

6. ექსპელიარმუს

ფოტო: giphy

ექსპელიარმუს განიარაღების შელოცვაა, რომლითაც ზაფხულში ნებისმიერ კოღოს განვაიარაღებდით.

7. ვინგარდიუმ ლევიოსა

ფოტო: giphy

ნივთების გადასაადგილებლად შექმნილი შელოცვა და აიფონის სირი, მეტი რა გვინდა ბედნიერებისთვის?

სიტუაცია შხაპის გადავლებისას: ვინგარდიუმ ლევიოსა (სმარტფონი) და ჰეი სირი პლეი მუსიკ.

8. აგუამენტი

ფოტო: giphy

აგუამენტი აბიტურიენტებში ძალიან პოპულარული შელოცვა იქნებოდა, რადგან მისი დახმარებით სასმელი წყლის გაჩენაა შესაძლებელი.

დამკვირვებელი - "თუ შეიძლება წყალი მხოლოდ იატაკზე გააჩინეთ"

9. ავადა კედავრა

ფოტო: giph

სასიკვდილო შელოცვა, რომელიც დასავლეთ საქართველოში ფაროსანას პრობლემას სწრაფად გადაწყვეტს.

10. ობლივიატე

ფოტო: gip

ობლივიატე დავიწყების შელოცვაა, რომლის დახმარებითაც ჩვენ მიერ აღებული სესხების შესახებ ბანკებს ყველაფრს დავავიწყებდით.