ვიდეოში ერთ-ერთ ყველაზე დაძაბულ დევნას ნახავთ. თაგვი ორ კატას გაურბის და ცდილობს ნებისმიერი ხერხით დააღწიოს თავი მათ კლანჭებს.

ბრძოლა სიცოცხლითვის თავიდან დაბალბიუჯეტიანი ფილმის სიუჟეტით ვითარდება - თაგვი მირბის, ახტება ქვებს, ძვრება რაღაცების ქვეშ და განსაკუთრებული არაფერი ხდება. მაგრამ, მეორე აქტში უკვე სულ სხვა სურათი გვაქვს.

თაგვი ხეზე არბის და ცდილობს იქ დაემალოს კატებს, თუმცა, როგორც ჩანს მას დაავიწყდა, რომ კატები ხეზე საოცრად ცოცავენ. ერთ-ერთი მდევარი მას ხეზე აჰყვება, მაგრამ თაგვი სასწაულებრივად ახერხებს დამალვას. ხოლო როდესაც კატა მაინც მისწვდება მას და ძირს ჩამოაგდებს, თაგვი სადღაც ქრება.

გაქცევა მოასწრო? ამხელა სიმაღლიდან ჩამოვარდა და არაფერი იტკინა? მეორე კატაც ხომ იყო ქვემოთ?

მაგრამ არა! თაგვი ფოთოლზეა ჩამოკონწიალებული და არაფრის დიდებით აპირებს დანებებას. დაბნეული კატები ვერ ხვდებიან სად წავიდა მათი საკბილო და აქეთ-იქით უაზროდ იყურებიან. თაგვი რამდენიმე წამის განმავლობაში გასუსული კონწიალობს ფოთოლზე, მაგრამ მერე აბობღებას ცდილობს და აი, სწორედ აქ შეამჩნევენ მდევრები.

ერთ-ერთი კატა ახტება კიდეც და ცდილობს გაქცეულს კლანჭი ჩაავლოს, მაგრამ თაგვი აქაც სასწაულებრივად გადარჩა და ხეზე ასვლა მოახერხა. ამის დანახვისთანავე ხეზე მეორე კატა არბის და სამწუხაროდ ჩვენ გმირს იჭერს.

მშვიდად იძინე პატარა თაგვო, შენ ნამდვილი გმირი ხარ :(