BBC გერმანიის პოლიციაზე დაყრდონით იუწყება, რომ შეიარაღებული თავდამსხმელს, რომელმაც მიუნხენში ათი ადამიანის სიცოცხლე იმსხვერპლა, შთაგონებული იყო ნორვეგიელი ტერორისტით ანდერს ბრეივიკით.

ტელეგრაფის ინფორმაციით, თავდამსმხელის თანაკლასელები ამბობენ, რომ ის თავის ფეისბუკისა და WhatsApp-ზე პროფილის სურათად ნორვეგიელი ექსტრემისტის ფოტოს იყენებდა.

პოლიციამ 18 წლის თავდამსხმელის ოთახის დათვალიერების შემდეგ აღმოაჩინა თავდამსმხმებთან დაკავშირებული დაწერილი ნივთმტკიცებულება.

22 ივლისს, საღამოს, მიუნხენის ოლიმპიას სავაჭრო ცენტრში შეიარაღებულმა პირმა ცეცხლი გახსნა, შემთხვევის შემდეგ კი მან თავი მოიკლა.

18 წლის შეიარაღებულ პირს ჰქონდა Glock-ის 9 მმ-იანი პისტოლეტი და 300 ტყვია.

პოლიცის მიხედვით, თავდამსხმელს სავარაუდუდ ფეისბუკზე გოგოს სახელით შექმნილი ჰქონდა ყალბი ანგარიში, რომლითაც McDonald's-ის რესტორანში ხალხი მოიწვია და ასე შეიტყუა მომავალი მსხვერპლი.

2011 წელს ბრეივიკმა 77 ადამიანი მოკლა. ის ჯერ კუნძულ უტოიაზე შეიჭრა, სადაც ახალგაზრდულ ბანაკს ცეცხლი გაუხსნა, ხოლო შემდეგ ოსლოს ცენტრალური მოედანი ააფეთქა.

2012 წელს მას ნორვეგიულმა სასამართლომ ციხეში 21 წლის გატარება მიუსაჯა.

გაიგეთ მეტი: