ქალთა მოძრაობა დღეს 19:00 საათზე ქალთა მოძრაობა საპროტესტო აქციას გამართავს, კახეთის გზატკეცილზე, შინაგან საქმეთა სამინისტროსთან. აქცია დღეს ფონიჭალაში მომხდარი მკვლელობის გამოხმაურებაა.

ყელში დანით მიყენებული ჭრილობის შედეგად 20 წლის გოგო საავადმყოფოში გარდაიცვალა. როგორც მოკლულის ახლობლებმა რუსთავი 2-ს განუცხადეს, მკვლელობას წინ წყვილს შორის კონფლიქტი უძღოდა.

შინაგან საქმეთა სამინისტრომ ცოლის განზრახ მკვლელობის ბრალდებით უკვე დააკავა ახალგაზრდა მამაკაცი. მკვლელობა გუშინ, გვიან ღამით, ფონიჭალაში მოხდა.

ორგანიზატორები მოითხოვენ, რომ პოლიციამ ქალების სიცოცხლე დაიცვას:

" პოლიცია არ ეხმარებოდეს მკვლელებს, არ უწყობდეს ხელს ფემიციდს, რომ პოლიცია ოჯახში ძალაოდობის თითოეულ შემთხვევას სერიოზულად უდგებოდეს, ებრძოდეს ძალადობას და იცავდეს მსხერპლს".