მადრიდის რეალის ლიდერი კრიშტიანუ რონალდუ მის მიერ იუვენტუსის კარში გატანილ მაკრატელას და გულშემატკივრების რეაქციას კიდევ ერთხელ გამოეხმაურა. მეტიც, ისიც კი აღნიშნა, რომ ბავშვობაში იუვენტუსის მიმართ ჰქონდა სიმპათიები.

"თითქმის ყველა მეორე გოლზე საუბრობს. ნამდვილად ბრწყინვალე გოლი გამოვიდა. ეს ალბათ ჩემს კარიერაში საუკეთესოც კი იყო. მინდა გუნდელებს მადლობა გადავუხადო, დამიჯერეთ, იუვენტუსისთვის სამი ბურთის გატანა იოლი ნამდვილად არაა" - აღნიშნა რონალდუმ.

მისი თქმით, აპლოდისმენტები ისეთი ისტორიის მქონე გუნდის ქომაგებისგან, როგორიც იუვენტუსია, საოცარი გამოცდილება იყო:

"ეს საღამოს საუკეთესო მომენტი იყო. მიიღო ოვაცია ასეთი ისტორიის მქონე გუნდისგან, უნიკალური გამოცდილებაა. ძალიან ბედნიერი ვარ".

"როცა პატარა ვიყავი, იუვენტუსი ძალიან მომწონდა და ის, რომ სწორედ იუვეს გულშემატკივრებმა დამიკრეს ტაში, ჩემში კიდევ ძალიან დიდხანს დარჩება".

ამავე თემაზე: