თბილისის სახელმწიფო უნივერსიტეტმა პოეტი დავით მაღრაძე ლიტერატურის დარგში ნობელის პრემიაზე წარადგინა. მაღრაძე ნობელის პრემიაზე 2011 წელსაც იყო წარდგენილი.

თუ რატომ შეაჩერეს არჩევანი დავით მაღრაძეზე უნივერსიტეტის პრესსამსახურმა On.ge-ს უთხრა, რომ ინფორმაციას მოგვიანებით მოგვაწვდიდნენ.

დავით მაღრაძე სხვადასხვა დროს იყო ჟურნალ ცისკრისა და გაზეთ ქომაგის მთავარი რედაქტორი. ასევე, იყო პარლამენტის წევრი.

ის არის დღევანდელი ჰიმნის ტექსტის ავტორი. 1984 წლიდან გამოშვებული აქვს ლექსების რამდენიმე კრებული: "გულო, ჩადექ საგულესა", "შეჩერდი, წამო!", "ქარი ფოთლების ბილეთს არიგებს", "გახუნებული აფიშა" და ა.შ.