თბილისის მერიის განცხადებით, მეტროსადგურ ვარკეთილში დაშავებულების რაოდენობა 14-მდე გაიზარდა. ერთ-ერთი დაშავებული პოლიცია. მერის, კახა კალაძის თქმით, დაშავებული მოქალაქეების მკურნალობის ჯანდაცვას სამინისტრო და თბილისის მერია დაფარავს.

"დაშავებულების ჯანმრთელობის მდგომარეობა სტაბილურია და შესაბამისი გამოკვლევები უტარდებათ. მკურნალობის ყველა ხარჯს ჯანდაცვის სამინისტრო და თბილისის მერია აანაზღაურებს. მინდა, თითოეულ მათგანს ჯანმრთელობა ვუსურვო. საბედნიეროდ, მსხვერპლი არ გვაქვს", - განაცხადა კახა კალაძემ.

მეტროს ინციდენტთან დაკავშირებით გამოძიება სისხლის სამართლის კოდექსის 240-ე მუხლით დაიწყო. გამოძიება სამთო, სამშენებლო ან სხვა სამუშაოს წარმოებისას უსაფრთხოების წესის დარღვევის ფაქტზე მიმდინარეობს.