საქართველოს საპატრიარქომ სერბეთის მართლმადიდებელი ეკლესიას მიმართა და ოკუპირებული სამხრეთ ოსეთის პრეზიდენტის, ანატოლი ბიბილოვის ვიზიტის ახსნა ითხოვა.

საპატრიარქო წერილში აღნიშნავს, რომ სერბეთის ეკლესიის მეთაურის ირინეოსის მიერ თავის რეზიდენციაში ბიბილოვის მიღებამ ქართულმა საზოგადოებამ უარყოფითად აღიქვა:

"შევნიშნავთ, რომ ე.წ. სამხრეთ ოსეთი, ცხინვალის რეგიონი, სამაჩაბლო, – ეს ერთი და იმავე სივრცის აღმნიშვნელია ტერმინებია და აქ 25 წელზე მეტია, რაც საქართველოს სახელმწიფო და საქართველოს ეკლესია, ფაქტიურად, თავის იურისდიქციას ვერ ანხორციელებს, რადგან იგი არის ოკუპირებული. არადა ეს მხარე, უძველესი ქართული მიწაა, რასაც აღიარებს სახელმწიფოთა აბსოლუტური უმრავლესობა და, მათ შორის, თქვენი ქვეყანაც."

სამხრეთ ოსეთის დე ფაქტო ლიდერი, ანატოლი ბიბილოვი სერბეთის მართლმადიდებელი ეკლესიის პატრიარქს 13 იანვარს სერბეთში შეხვდა.