შინაგან საქმეთა სამინისტროს განცხადებით, რუსთაველის გამზირზე არასრულწლოვნის მკვლელობის მცდელობის ბრალდებით, სამართალდამცავებმა 2000 წელს დაბადებული პირი დააკავეს.

გამოძიების ვერსიით, ბრალდებულმა მიმდინარე წლის 19 დეკემბერს თბილისში, რუსთაველის გამზირზე მდებარე სკვერში, ურთიერთშელაპარაკების ნიადაგზე, 2002 წელს დაბადებულ პირს ცივი იარაღით რამდენიმე ჭრილობა მიაყენა და შემთხვევის ადგილიდან მიიმალა.

სამართალდამცველებმა, ბრალდებული მიმდინარე წლის 21 დეკემბერს სოფელ წეროვანში დააკავეს.

გამოძიება განზრახ მკვლელობის მცდელობის ფაქტზე მიმდინარეობს, საქართველოს სსკ-ს 19-108-ე მუხლით, რაც შვიდიდან თხუთმეტ წლამდე ვადით თავისუფლების აღკვეთას ითვალისწინებს.

ამ დროისთვის დაჭრილი არასრულწლოვანი საავადმყოფოში მკურნალობს. ის კლინიკაში მძიმე მდგომარეობით შეიყვანეს. ექიმის თქმით, დაჭრილს ოპერაცია ჩაუტარდა. მოზარდს ოთხი ჭრილობა აქვს მიყენებული.