ესპანეთის პოლიციამ ქართული კრიმინალური დაჯგუფების კანონიერი ქურდი 18 წევრი დააკავა, რომლებსაც მადრიდში ათობით სახლის გაძარცვა ედებათ ბრალად. ამის შესახებ ადგილობრივი მედია ავრცელებს ინფორმაციას.

ესპანური მედიის ცნობით, ოპერაციისას პოლიციამ, დაჯგუფების სხვა წევრებთან ერთად, დააკავა საკეტის გასხნაში გამოცდილი დამნაშავეებიც. ისინი ცნობილი იყვნენ როგორც "ოქროს ხელები" ან "მექანიკოსები" დაჯგუფების წევრებს შორის, რადგან ძალიან მარტივად ახერხებდნენ საცხოვრებელი სახლების კარის საკეტების გახსნას. აღნიშნული პირები სხვა ქართულ დანაშაულებრივ დაჯგუფებებს შორისაც დიდი პოპულარობით სარგებლობდნენ.

სპეცოპერაციის დროს, პოლიციამ ასევე დააკავა კიდევ 5 პირი, რომლებიც მათთან თანამშრომლობდნენ და მოპარულ ნივთებს ასაღებდნენ.