სუპერმარკეტების ქსელმა „სმარტი“ ახალ ფორმატზე გადასვლის შემდგომ, მტკვრის მარცხენა სანაპიროზე, „მუშტაიდის ბაღთან“ მდებარე „ვისოლის“ ავტოგასამართ სადგურთან, პირველი სუპერმარკეტი გახსნა.

ახალი ფორმატის „სმარტში“ 20-მდე ადამიანი დასაქმდა, რომლებიც მომხმარებლების კომფორტსა და ხარისხიან მომსახურებაზე იზრუნებენ. ახალ „სმარტში“ უმაღლესი ხარისხის ყოველდღიური მოხმარების პროდუქტებია წარმოდგენილი. ამასთან, „სმარტის“ სტუმრებს დონატებისა და „ტრუჩილოს“ ყავის შეძენა შეეძლებათ, რომელსაც იქვე არსებულ პატარა კაფეში მიირთმევენ.

სპეციალურად მომხმარებლებისთვის, „სმარტმა“ გადაწყვიტა 26 ოქტომბრიდან 29 ოქტომბრის ჩათვლით იტალიური ყავა და „დანკინ დონატსის“ პროდუქცია ექსკლუზიურ ფასში შეეთავეზებინა. ნებისმიერ მსურველს „ტრუჩილოსა“ და დონატების შეძენა ერთ ლარად შეუძლიათ.

ახალი „სმარტის“ გახსნის ცერემონიაზე, „ვისოლ ჯგუფის“ სამეთვალყურეო საბჭოს თავჯდომარემ, სოსო ფხაკაძემ, სუპერმარკეტის ქსელის გაფართოებაზე ისაუბრა:

„სმარტის“ ბრენდი ძალიან გვიყვარს და ამ ფორმატში მთელი ამ ოთხი წლის განმავლობაში რაც ვნახეთ, ყველა პატარა და საშუალო ზომის სუპერმარკეტი, რომლებიც ავტო და გაზგასამართსადგურებზეა, ისტორიულად მომგებიანია და ბიზნესიც ბუნებრივია აკეთებს იმას, რაც ეკონომიკურ მოგებას მოიტანს“, - აღნიშნა სოსო ფხაკაძემ.

“სმარტი” ქსელის განვითარებას საწყის ეტაპზე შერჩეულ ფორმატში, კერძოდ კი პატარა ზომის სუპერმარკეტებით გააგრძელებს. უახლოეს მომავალში „სმარტის“ პატარა ფორმატის სუპერმარკეტების უმრავლესობა ავტო და გაზ-გასამართ სადგურებზე და ავტობანებზე განთავსდება.